((نيروز والهوى))

ولقيته بيلفت نظري لحجابي الطويل اني أقصره اكتر من كدة ! ..مش هيبقي في الأفراح كمان ..وأحط ميك أب زي أغلب البنات هيبقي شكلي أحلي من كدة والناس هتعرف قد إيه إيهاب باشا عرف يختار واحدة جميلة ! 
أنا كنت مصډومة جدا ودي كانت النهاية بالنسبالي وسيبته ومشيت روحت لوحدي وكان قرار لا رجع فيه إحنا لازم نتطلق ! مش هاقدر أعيش مع واحد كدة .. شككني في حبه ليا خلاني أفتكر إن كل السنين اللي كنت فاكرة إنه بيحبني فيها دي كلها كدب في كدب ..وهم ! قرار الطلاق دا كان صاډم لكل اللي في البيت أولهم إيهاب سبب الطلاق ماكنش مقنع لحد ! ..لكن أنا كنت مصممة إيهاب إترجاني إني أراجع نفسي تاني وأديه فرصة وإنه فعلا بيحبني وأنا فهمته غلط ..بس الحقيقة اني خۏفت أديه فرصة وأكمل معاه ! خۏفت أضيع وقت عالفاضي ..وخۏفت نخلف ! ووقتها أفضل مربوطة بيه للأبد وأتنازل وأكمل معاه عشان إبني ! كان الطلاق صعب لاننا ماعشناش مع بعض غير 7 شهور .. ولما جيبت آخري روحت لجدو وإتكلمت معاه وعيطتله ولاني عارفة اني نقطة ضعفه كنت واثقة انه هينفذ الطلاق بسرعة ! وحصل ..اليوم دا بالليل جدو جاب المأذون وطلقنا .

بعد الطلاق أنا كنت متدمرة نفسيا عمري ماتوقعت ان انا وايهاب في يوم هنوصل للنقطة دي ..وماكنتش عارفة أتعامل عادي وهو لسة عايش معانا في البيت بعدها فاجئنا إيهاب إنه هيسافر لندن ..في واحد صاحبه كان معاه في الجامعة وعرض عليه يشاركه في شركة في لندن ! وهو وافق وسافر ..سفره ساعدني علي إني أتجازه وأتجاوز حبه وتعلقي بيه .
وبعد سنتين فاجئنا بقرار جوازه من بنت مصرية بس عايشة في لندن إتعرف عليها وقرروا يتجوزوا ..وهينزل مصر يتجوز في الشقة اللي كانت بتاعتنا وهيصفي شغله هناك لان خلاص صاحبه اشتري نصيبه في الشركة ! جدو إتضايق من قرار ايهاب عشاني واني لسة في البيت بس انا اقنعت جدو ان ايهاب ماسافرش عشان يعيش برا ! هو سافر عشان انا وهو نقدر نتجاوز بعض وكل واحد يبدأ صفحة جديدة مع نفسه ..وان دا خلاص حصل يبقي ليه مايرجعش ويتجوز وانا اكيد مش هطول هنا وهاتجوز انا كمان ..وكمان من حق عمي ومراة عمي ان ابنهم يبقي عايش وسطهم مش هيفضل متغرب طول عمره .
إنهاردة إيهاب راجع من السفر ومعاه هبة البنت اللي هيتجوزها هي وأهلها وهيقعدوا معانا الشهر اللي قبل الجواز دا ..وبعد كدة باباها ومامتها هيسافروا وهي هتبقي موجودة هنا وسبب وجودهم معانا هنا ان هما عايشين في لندن من زمان جدا ومالهومش بيت في مصر ولا حتي قرايب يقدروا يستقبلوهم وإيهاب رفض يقعدوا في فندق ..
نيروز نيروز !
إيه فيه إيه ياجهاد
إيهاب وصل هو والبنت اللي هيتجوزها
بإبتسامة بجد طب تعالي ننزل نسلم عليهم
هتتصدمي !
بإستغراب هاتصدم من إيه 
لا إنزلي وشوفي بنفسك مفاجأة ..
نزلنا وأنا وهي سوا ..والكل تحت كانوا حوالين إيهاب بيستقبلوه ولما وضحت الرؤية ليا وشوفت إيهاب والبنت اللي هيتجوزها مش إتفاجئت لأ أنا إتصدمت ..صعقټ هبة دي مش محجبة لدرجة إني كنت مكسوفة أبصلها ..
ها ياجهاد لسة مش مقتنعة إني كنت علي حق لما طلبت الطلاق 
....
قربنا منهم إحنا الإتنين وسلمنا عليهم ..
إزيك ياإيهاب حمدالله علي سلامتك