((نيروز والهوى))

الله يسلمك يانيروز إنتي عاملة إيه 
تمام
قربت من هبة وسلمت عليها ..
حمدالله علي سلامتك البيت نور
بإبتسامة منور بيكوا شكرا
وقعدنا مع بعض كلنا وإتعرفنا علي هبة وأهلها بصراحة هما ناس بسيطة ويتحبوا أوي وبعد كدة طلعوا الشقة اللي جدو حددهالهم عشان يرتاحوا وأنا وجهاد وماما وعمتو ومراة عمي كنا واقفين في المطبخ وبنعمل الوليمة اللي هتتاكل علي العشا إنهاردة ..

كنت فاكرة إن علاقتي أنا وهبة مش هتبقي كويسة بالمرة أنا طليقة خطيبها برده وحقها لكن كانت لطيفة معايا بشكل غريب ..وكانت بتحب تقعد معايا انا وجهاد وتتكلم معانا كانت حابة تصاحبنا وماحستش ان علاقتنا فيها حساسية أبدا ..
هبة يووووه مش عارفة أخرط البصلة
نيروز بضحك هو فيه حد يمسك البصلة كدة ياهبلة بصي
هبة وريني ياخبرة
عدا أسبوع واحد من يوم مارجعوا وزي ماقولت ..علاقتي أنا وهبة كانت لطيفة بشكل غريب طلبت مني أعلمها الطبخ وأديني بحاول معاها ..
بقولك إيه يانيروز 
قولي 
ممكن تقوليلي الأكل اللي بيحبه إيهاب واتعلميهولي 
بصينا لبعض أنا وجهاد طلب غريب ..
طب ماتسألي مراة عمي هي عارفة أكتر مني
لأ إيهاب قالي قبل كدة إن إنتي الوحيدة اللي كنتي عارفة هو بيحب إيه وبيكره إيه فابليز علميني
الوقت دا مصطفي نادي علي جهاد وخرجت جهاد من المطبخ عشان تكلمه وقتها سيبت اللي في إيدي وبصيت لهبة وقولتلها ..
هو إيهاب قالك عني إيه بالظبط 
بإبتسامة كل حاجة إيهاب قالي كل حاجة عنه وعن حياته بما فيهم إنتي ..قالي إنك كنتي حب الطفولة والمراهقة والكبر ماحبش حد قد ماحبك ..وكان فاكر إن عمره ماهيقدر يحب حد غيرك ..لحد ماشافني أنا وأنا غيرت كل المفاهيم دي كلها عنده
للحظة حسيت بوغزة في قلبي ..
كنتي مشكلة جزء كبير ومهم في حياته
هبة إنتي مش بتغيري علي إيهاب 
طبعا بغير عليه مش بحبه 
مني !!
منك لأ 
طب إزاي وليه دا أنا أكتر واحدة أحق إنك تغيري عليه مني أنا طليقته
عشان عارفة إنك مش بتحبيه ولا عمرك هتفكري بأي طريقة انك تقربي منه
وعرفتي دا إزاي 
عشان إنتي اللي طلبتي الطلاق وأصريتي عليه ..يعني خلاص إيهاب مش الراجل اللي إنتي عايزاه وماظنش إنه بعد ماكان في إيدك وطيرتيه هترجعي تبصيله تاني وهو في إيد غيرك ..إتطمني ! أنا أعقل من كدة
وهو متأكدة إنه مش بيفكر فيا لسة 
بإبتسامة زي ماقولتك إنتي كنتي جزء كبير ومهم في حياة إيهاب كنتي حب عمره اللي مش هيتعوض ..بس هو قدر يعرف ويقتنع ويتجاوز دا والدليل إنه عرفني وجوازنا بعد تلت أسابيع ..لو حبك لا يعوض بالنسباله ماكنش عرفني ماكنش حكالي عنك بكل صراحة علي إنك ماضي في حياته !
بإستغراب ....
مش قولتلك هو حكالي كل حاجة
بإبتسامة ماشي ياستي ربنا يهني سعيد بسعيدة
بضحك يارب
وكملنا اللي بنعمله لحد ماقالت ..
بس عارفة ! حاجة واحدة بس إيهاب رفض يقولهالي
حاجة إيه 
سبب طلاقكوا ! ليه إتطلقتوا بالسرعة دي رغم الحب الكبير اللي كان بيكوا
إستغربت جدا غريبة أوي إنه يكون حكيلها كل حاجة ودي لأ ..
ماتحكيلي إنتي وتقوليلي سبب طلاقكوا
مش هينفع مادام هو رافض يقولك أنا مش هاقولك خلينا بقا نكمل اللي بنعمله
حبيتها جدا في الفترة الصغيرة دي هي