((نيروز والهوى))
خارجيا ..مختلفين تماما فاإزاي إيهاب إختارنا إحنا الإتنين ودلوقتي عرفت إيهاب حبك ااه بس لما لقي إن إنتي مشيتي وقررتي تنفصلوا راح يدور علي اللي شبهه واللي لما يحطها في موقف زي اللي إتحطيت فيه إنهاردة ماتنطقش ولا تعترض وتشوف إن الموقف عادي وإيه المشكلة أنا ااه مش محجبة وفيا حاجات كتير غلط ومختلفة عنك يانيروز في طريقة التفكير في المبادئ في طريقة الحياة في كل حاجة بس دا مايمنعش إني ست وأحب أشوف الراجل اللي معايا بيغير عليا ومايقبلش عليا موقف زي دا رغم إختلاف أسباب الغيرة بالنسبالي وبالنسبالك وإن الغيرة مطلوبة مش علي الشخص اللي بحبه وبس وإنها حاجة من الدين لكن في النهاية ..إيهاب مابيغيرش عايز يعيش علي الطريقة الأوروبية ..إيهاب مابيغرش
إنتي حد كويس جدا يانيروز ولطيفة أوي وأنا حبيتك أوي في الفترة الصغيرة دي والله ..إنتي تستاهلي حد أحسن من إيهاب بكتير وأنا أتمني من قلبي إني في يوم من الأيام أبقي زيك ..عن إذنكوا
وسابتنا وراحت شقتها بصينا لبعض أنا وجهاد ..ماكناش فاهمين حاجة وإنتهي الموقف علي كدة ..تاني يوم نزلنا أنا وجهاد عشان نجيب فساتين الفرح ناس كتير قالولي ماحضرش الفرح ..أحضر فرح طليقي إزاي ! لكن أنا كنت عايزة حقيقي أحضر الفرح ..أنا مابقتش شايفة إيهاب غير إنه إبن عمي وبس عادي يعني لما أحضر فرحه إيه المشكلة يعني ..إشترينا اللي إحنا عايزينه ورجعنا البيت بالليل وكنا خلاص ھنموت من التعب واللف طول النهار ..لكن وإحنا داخلين البيت كنا سامعين زعيق وصوت عالي أوي جاي من شقة جدو جرينا نشوف في إيه .. دخلنا شقة جدو لقينا الكل موجود وإيهاب بيزعق وبيحاولوا يهدوه أول مادخلنا وقبل مانتكلم ولا نسأل فيه إيه فجأة إيهاب أول ماشافني قرب عليا ومسك إيدي بعصبية وقالي ..
وراح زققني لكن جهاد كانت واقفة ورايا مسكتني كنت هقع أنا ماكنتش فاهمة إيه اللي بيحصل وإيه اللي هو عمله دا وإزاي يستجري يعمل كدة ..
جهاد إيه دا إنت مچنون ياإيهاب إيه اللي إنت بتعمله دا !
لأول وآخر مرة يانيروز هاقولهالك ..مالكيش دعوة بحياتي مالكيش دعوة بيا نهائي حياتك إنتي مشيها زي مانتي عايزة ..لكن حياتي إبعدي عنها تماما ماتفرضيش مبادئك عليا
لأ ليها ..هي السبب هي السبب في إن هبة رفضت الجواز مني قبل الفرح بأسبوع ورجعت لندن هي وأهلها إنهاردة هي اللي راحت قالت لهبة سبب طلاقنا وطلعتني قدامها وحش وراجل مش مسئول
رغم صدمتي باللي بيقوله وإن هبة مشيت ورفضت تتجوزه لكن كنت متضايقة من طريقته معايا في الكلام وإنه يمسك إيدي ويزقني بالشكل المهين دا ! فارديت الإساءة بالإساءة !..
نيروز !!!
جدو إتكلم ! وعيون إيهاب كانت هتاكلني ..قال جدو ..
إيه اللي إنتي بتقوليه لإبن عمك دا ! إزاي تقولي كدة
ياجدو إنت مش شايف ..
مقاطعا إعتذريله
أعتذر عن إيه أنا ماقولتش ..
مقاطعا بقولك إعتذريله وإياك أسمعك بتقوليله كدة تاني ..إنت فاهمة !
إتنهدت بعصبية وإعتذرتله وطلعت من الشقة وروحت شقتنا ودخلت أوضتي وفضلت أعيط ..إزاي قدر يتجرأ عليا كدة ! كنت
